La lunga attesa di Felicia
La vicinanza tra due donne è stata tracciata da Sara Favarò in questa poesia:
“U chiantu di dù matri”_
Sta sira avanti a mia
‘na vecchia ca si chiama storia
chianci scunsulata picchi l’anni passaru
senza lassari signi di vittoria
e rasti supra a terra.
Mi dici ca ddi picciotti
ca luttavanu cu idda e ci currianu appressu
c’à speranza all’occhi,
ora sunnu n’a panza d’a terra vurricati.
Mi fici du nomi,
unu chiù granni e l’autru chiù nicu,
ca patri e figghiu essiri putianu
e appiru a stessa sorti.
Mi dici:
Pippinu Impastatu di Cinisi dicia ‘nt’e chiazzi:
pi jiri avanti iuncemu vrazza, manu e cori,
dicemulu u nomi d’assassini
ca mpastanu a terra cu u sangu d’i travagghiatura.
E continua a vecchia:
‘na matina d’u 78 u truvaru nn’a linia d’a ferrovia
a pezzi e muddichi, comu siddu u trenu
passannu dda notti l’avissi macinatu.
U trenu unn’era trenu:
era bumma a tritolu d’i mafiusi
scattata nn’a panza di Pippinu pi vinnitta.
L’occhi, sulu l’occhi eranu vivi,
circavanu a Cristu ncelu
e ci addumannavanu pietati.
Pietati pi mia,vecchia sempri a luttu,
e iu sugnu cca, a malidiri li mafiusi barbari,
can un vulianu e nun vonnu
ca li picciotti lottanu pi nna Sicilia libbira,
unni a terra ngrassari si putissi cu l’onestà
e no cu u sangu limpidu di li ‘nnucenti
‘mputenti contro l’omertà.
E chianci a vecchia, chianci, chianci,
un chianti comu marusu ntimpesta,
u chianti di du matri.
Chi sira! Chi sira!” (4)
